////////////////////////////////////////////////////
غزل: کلام: اقبال بھلول
چه په زمکه څومره پست انسان دے نن
په بد حال یے په جړا دے آسمان نن
چه له انسه شو محروم شرف یے محروم شو
چه پرون وو کوم انسان، نسنان دے نن
خپل غیرت دے کړو نیلام ضمیر فروشه
څه قیمت پاتے د ستا ایمان دے نن
مسلمانه! مومن نه شولے ظالم شوے
ستا د پاره خساره قرآن دے نن
عبرت نه اخلو بار بار عبرت جوړیګو
خنده زن مو په انجام جھان دے نن
امت لار د نبی پریښوله ظالم شو
د اغیارو په چلن روان دے نن
چه قوت د حیدری مو حاصل نه کړو
غالب ځکه خو په مونږ شیطان دے نن
بیا جذبه د حسینی به کړو بیداره
بیا په زور کښے د طاغوت طوفان دے نن
چه کمال مو د وحدت پریښود بھلوله
زمونږ ځکه د زوال دوران دے نن
///////////////////////////////////////////////
ستا د محبت ژورو کندو ته
څومره ځلیدونکی ستوری پریوتل
ټوله قافله شوه سره تاڼ په تاڼ
وار بې واره لور په لوری پریوتل
مینه،جدایی،بې قراری،طلب
ویش کښې راته د څو توری پریوتل
اوس ئی پاڅوه په زور پاڅی کله
څه سرزوری څه کمزوری پریوتل.
{عبد الرحيم مجذوب صيب }
///////////////////////////////////////////
غزل:
ما به بلل چه تل په جار ملګری
ټول رانه لاړل وار په وار ملګری
څو که د تن غوښي لوګي کړم ورته
نه کوی چیري اعتبار ملګری
څنګه تار تار ملګری غونډ کړم خلقه
په ما خو تل کوی نا تار ملګری
څومره د وخت تراخه چه زغمی تراب
دومره پراته دی په قلار ملګری
کلام: ارشد تراب
//////////////////////////////////////
لــــر و بــــره خـــامـــــوشى ده
زور آوره خــــامــــوشـــى ده
ہر يـــو غږ په کښې لاهو شى
څــــۀ ژوره خــــامــــوشى ده
پــــــه اعصابو مې ســــوره ده
څــــۀ کافـــــره خــاموشى ده
د لــفـــظــــونــــو د حـــرمــت نـه
مـعــتــبـــره خـــامـــوشى ده
بې هنګامه شـــور و شـر دے
ژبــه وره خــــامــــوشــى ده
چې رښـــتــيا اورېدے نۀ شه
نــــو بهتــــــــره خاموشى ده
تۀ چې نه ئې ستا له بــام ن
ه تر ګـــــودره خـــامــوشى ده
چې د زړۀ ارمـــان ئې وژنى
د زړۀ ســــره خـــــاموشى ده
چې ښۀ شعر ليکلے نـــــۀ شے
درده غوره خـامـــــوشى ده
٭ رحمت الله درد
///////////////////////////////////////////
//////////////////////////////////////////////////////////////////////////////////////////////////////////////////
/////////////////////////////////////////////////////////////////////////////////
